domingo.

though day. yes its just another typpical day of a young man wanting to speak english while his main audience are using a different dialect.

syet. kabalo man diay ko mo english.

welcome again to bisaya si kemi. on this day, what transpired lately is how to build my links with other bloggers. yes. bloggers. kung makahinumdum mo sa akoang goal kagahapon, mao kana ang maka amigo ug mga local bloggers and build relationship through blog. yes. and guess what, init ra kaayo ang internet cafe na akoang giadtuan. igang sa nga tanan. lahi ra sa akoang opisina sa construction na pwerteng tugnawa. at least sa sa internet cafe, anaay internet. sa opisina, anaay mga samukang mga alipores. yes. yes is the word.

posible nga karung taknaa, anaa na koy back links na makatabang arun daghan pang mga bloggers ang makaila nako. unsay big deal kemi? kung pangutanon ko ninyo, ang akoang tubag...trip lang.

dili ko sosyal, dili ko oras oras naa sa atubangan sa google sige'g google sa yahoo. ganahan lang ko mabuhat ang ginabuhat sa kadaghanan. layu ra kaayo sa sige ug dula ug farmville. hagu.

bad news, wala pa gihapon ko kabasa ug naruto chapter 512 sa mgastream.com

Countdown To Zero - musugot baka o mudili?

nukes, nuclear warheads, o sama ra kini sa ginatawag na: weapons of mass destruction. sa pag basa-basa nako sa mga post sa facebook, naka bisita ko sa unofficial page ni bob ong. sa sulod sa iyahang facebook page, nakita nako kining documentary mahitungod sa nuclear weapons. dili kini atik atik. dili kini lingaw lingaw. makamatay ni ug daghang tao sa kalibutan.

nakahuna-huna ko, unsa may kaayuhan ang maangkun sa kalibutan kun anaay nuclear weapons? ang duol sa saktong tubag kay "world domination" o sa binisaya pa, maangkun ang tibuok kalibutan pinaagi sa kahadlok. kun ang usa ka nasud anaay weapons of mass destruction, kaya niini ma pap-ha ang usa ka dakbayan. mapagamay man ang pupulasyon o daghan.

sa nakita nako, mas nindut kun mubarog pud ako sa sakto, ug kana sa pag dili sa pag-gamit ug nuclear weapons ug pag iradika niini. sa ubos kay ang video na akong nakita. anaa ra nimo kun musugot baka sa paggamit ug armas nukleyar o mudili.

uso-uso

naka isturya nako kaganina ning si nong boy tion, usa ka contractor sa building na akong gina tarbahuan. pagkapait sa kinabuhi kun ang anak nimo o ilabi na kaha duol sa imong kasing-kasing kay ma disgrasya. sakit sa buot ug sakit sa kasing-kasing.

kun naka makabasa kamo sa balita diri sa atong dakbayan, mabungol na siguro kamo sa issue mahitungod sa uso-uso na nagbanga sa usa ka truck. ang anak ni nong boy kay usa sa mga biktima na angol sa maong aksidente. swerte, ug kalooy sa Dios kay samdan lang ang anak ni nong boy. ug kaganina nakabalo ko na nakagawas na ang iyahang anak sa ospital.

apan, kun bias pa kaayo ko ug pangisip, dautan siguro kaayo ang operator ug driver sa jeep na nadisgrasya. apan, sa tinuod lang, usa pud sila sa biktima sa maong aksidente.

ha, ngano biktima man sad sila?

uu maingun nato na anaay sala ang driver, apan wala kini tuyua. ang wala makabalo, ang mga jeep sa toril kay tulin jud magpatagan, maski sauna pa na uso ang kalesa. uu. tulin. ug mao kana ang paagi arun makabugas ang mga driver ug mga operator sa jeep.

biktima pud sila sama sa mga nangamatay ug samdan.

anaa silay pamilyang gahulat ug bugas ug sud-an. bayranan nga gahulat ug saktong panahon arun mabayran. ug uban pang mga butang na normal lang sa usa ka tao.

biktima.

disgrasya.

uu kasabot ko, sakit dawatun. apan, sakit pud dawatun ang naamguhan sa mga pamilya sa driver ug operator sa jeep. ilabina karun na kriminal ang pagtanaw nato kanila.

disgrasya.

sa sunod mag hinay-hinay na.

bisita blogista day 1

goal? ang maka amigo ug blogger nga naka destino dinhi sa dabaw. wala may klaro ning akong plano, apan basi maka amigo ug daghan ug mudako pa ang numero sa mga higala.

nabisita nako ning maya in da citi blog, ug nahimamat nako nga nindut man diay mag paka busy. ay, busy man pud ko ug lakaw lakaw sa dalan sa san pedro, apan murag mas busy ning blogger sa blog na akong nabasahan.

nakabasa na ba ka ug blog kun diin pure poetics ang imong mahimamat? duawa kaha ning blog sa akong amiga na si shalom sa superficialistics poem corner. mabasa nimo dinhi ang mga pulong kinutlo gikan sa huna huna ni shalom. favoritism man ni oi.

himbasa man jud ko, ug murag karun ko giganahan mag sulat sa mga nabasahan nako.

kun intirisado ka makipag baylo ug link kanako, ayaw kaulaw! kay sa isturya pa: ang maulawun, giya sa yawa; apan ang dili maulawun, baga ug nawung.

ktmsces reunion

kung usa ka sa mga bata nga anaa dinhi, dili katingalahan nga ikaw graduate sa ktmsces section venus batch 2000. naa man daw ni sila reunion. kabalo ba ka?

wala pa kini solido nga basihan kung madayun ba gayud ang naingun nga panagtagbo, apan usa kini ka maayong balita nga magkaila ug usab ang mga karaang bagtik sa kapitan tomas.

gagmay'ng bata pa ni sila sauna, ambot lang karun. gagmay na pud siguro mga anak nila. sa masakpan lang.

usa ako sa mga bata nga myembro aning seksyona, apan, wala lang nako gi post ang page kung asa ko. haha. magkatawa ra ko.

well. sa muabutay nga mga adlaw, unta madayun ning planoha. mag sulat gihapon ako ug mga post puhon adlaw.

kun anaa moy facebook, bisitaha lang ko.